पोखरा
नेपाली काङ्ग्रेस कास्कीले नेकपा एमाले कास्कीले पार्टीको वारेमा दिएको अभिव्यक्तिप्रति ध्यानकर्षण भएको जनाएको छ।नेपाली काङ्ग्रेस कास्कीका सभापति यज्ञबहादुर थापाद्धार शनिबार जारी गरेको विज्ञप्तिमा नेकपा एमाले कास्कीद्धारा प्रेशीत वक्तव्य र आयोजित पत्रकार भेटघाटमा नेपाली काङ्ग्रेसका निष्ठावान संघर्षशील लोकप्रिय युवा नेता स्व.रामजी पौडेल बादलको हत्या प्रशंगमा व्यक्त आपत्तिजनक अभिव्यक्तिप्रति गम्भीर ध्यानकर्षण भएको जनाएको हो। हत्या जस्तो अपराधिक कार्यको विरोध र भत्सना गरिनु स्वाभाविकै हो तर त्यसैको वाहानामा अर्को पार्टीको अनायकमा निन्दा गर्नु अनर्गल मिथ्या आरोप लगाउनु युक्ति संगत नहुने विज्ञप्तीमा उल्लेख गरिएको छ।
कास्की काङ्ग्रेसले नेकपा एमाले कास्कीको बारेमा केहि नबोलेकोमा अनुसन्धान कार्यमा जुटेको नेपाल प्रहरीको अनुसन्धानको रिपोटको कुनै प्रसंगलाई जोडेर पत्रकार सम्मेलन गरी कास्की काङ्ग्रेस र काङ्ग्रेसको नेतृत्वको विरुद्ध अनर्गल मिथ्या प्रचार गर्नु अस्वाभाविक मात्रै नभई विवेक र मर्यादाको ठाडो उल्लड्डघन हो–विज्ञप्तिमा भनिएको छ। लोकतन्त्रमा कुनै पनि अपराधिक कार्यको सत्य तथ्यमा आधारित भएर निश्पक्ष छानविन र अनुसन्धान गरी अपराधमा संलग्न व्यक्तिलाई कानुनको कठघरामा उभाएर दण्डीत गर्ने दायित्व सम्वन्धित निकायको भएकोले कुनै पनि पार्टीले त्यस कार्यमा दख्खल दिन नहुे विज्ञप्ति मार्फत उल्लेख गरिएको छ।
हाम्रो पार्टी हत्या जस्तो अपराधमा संलग्न व्यक्तिलाई संरक्षण दिन त के कल्पना समेत गर्न सक्दैन विज्ञप्तीमा भनिएको छ– हाम्रो पार्टीको सञ्चालन व्यवस्थापन कसरी गर्नुपर्दछ त्यो हामी लाई एमालेले सिकाईरहनु पर्दैन। हामी आफैले जान्ने कुरा हो। त्यसका लागि हामी आफै सक्षम छौ। संविधान निर्माण र सरकार सञ्चालनको मुख्य साझेदार नेकपा एमाल जस्तो जिम्मेबार पार्टीले आउदा दिनमा हाम्रो पार्टी विरुद्व अनर्गल प्रचार र वक्तव्यवाजी दोहो¥याउने छैन भन्ने विज्ञप्ति मार्फत अपेक्षा गरिएको छ।
पाठक प्रतिकृयाहरू