निर्धारित समयमा कार्यक्रम शुरु भएन् । बैंककबाट केही सदस्य हवाई मार्फत फुकेट पुगेका थिए । केही १७ घण्टाको बस यात्रा गर्दै गएका थिए । बसको यात्रा गरेर जानेलाई कुदैै समय लम्बिएको थियो । समय लम्बिएपछि औपचारिक कार्यक्रम शुरु हुन केही घण्टा पछि धकेलियो ।
अत्यन्तै गर्मी ठाँउमा लामो समयको पर्खाईले क्याविनेट मिटिङमा उपस्थिति लायन्सकर्मी उदेक बनेका थिए । त्यसमा पनि सहकर्मीहरुको यात्रामा भएको ढिलाईले अर्को समस्या थपेको थियो । ‘तोकिएको समयमा कार्यक्रम भएन् । औपचारिक कार्यक्रम शुरु नहुदैं नाँचगान गरेर खानपिन शुरु भयो ।’ फुकेटमा क्याविनेट मिटिङमा उपस्थिति लायन्स एक सदस्यले आविष्कार दैनिकसित भने—‘बरु नेपालकै कुनै ठाँउमा गरेको भए राम्रो हुने थियो । पैसा सक्ने उपाय मात्रै भयो ।’
गर्मी ठाँउमा लायन्सकर्मी सुट टाईसँगै दौरा सुरुवालमा सजिएपछि केही रौनक देखिएको थियो । तर कार्यक्रम नाचगान गरेर पहिलो सेसन सक्दा क्याविनेट मिटिङ औचित्यहीन जस्तै भएको अर्का सदस्यले बताए । ‘कार्यक्रम अव्यस्थित र भद्रगोल भयो । यद्यपी घुमेर आनन्द भने लिईयो ।’ उनको भनाई थियो ।
कार्यक्रममा सौहार्दपूर्ण बातावरण समेत बनेको थिएन् । केही लायन्सकर्मी भने आयोजकप्रति रुष्ट बनेका थिए । व्यवस्थापन फितलो भएको गुनासो गरेका थिए । कार्यक्रम लायन्स क्लब अफ काठमाडौं मिड टाउनले गरेको थियो । ‘व्यवस्थापन चुस्त भएन् । केवल घुम्ने मानसिकताले मात्रै कार्यक्रम बनाईएको अनुभूति भयो ।’ सहभागिले भनिरहेका थिए ।
थाईल्याण्ड भ्रमणकै लागि मिड टाउनले कार्यक्रम गरेपनि आयोजक मध्येकै केही सदस्यहरु पनि डिष्ट्रिक जिम्मेवार बन्न नसकेको सुनाईरहेका थिए । ‘कसैलाई काखा कसैलाई पाखा बनाउने काम गरियो ।’ असन्तुष्टीका स्वर कार्यक्रममा गुन्जियो ।
थाईल्याण्डमा आयोजना गरिएको कार्यक्रममा लायन्सकर्मीको उत्साहजन्य सहभागिताले डिष्ट्रिकको इज्जत बढ्यो । तर लाखौं रुपियाँ विदेशिन पुग्यो । क्याविनेट मिटिङ थाईल्याण्डमा गर्दा सदस्यले न्यूनतम एकदेखि डेढलाख रुपियाँ खर्च गरेका थिए । खर्च गरेर गईसकेको अवस्थामा पनि डिष्ट्रिकले सभ्य र भव्य बनाउनबाट चुकेपनि उपस्थिति लायन्सकर्मीमा उदासिनता देखिएको थियो । केहीको राहदानीमा इमिग्रेसनले भिसामा केरिदिएको गुनासो समेत कार्यक्रममा गरिएको थियो ।
उता थाई—नेपाल फाउण्डेशन फुकेटका अध्यक्ष द्याङ लिम्बुले लायन्सको क्याविनेट मिटिङले विदेशमा रहेका नेपालीसँग अझ प्रगाढ सम्बन्ध बनाउन कार्यक्रमले सहयोग पु¥याएको बताए ।

अमेरिकाका एक दम्पतिले छोरी पाउने आशमा लगातार १३ वटा छोरा जन्माएका छन् ।

अमेरिकाको मिचिगनका जे सेवान्डिट र क्याटेरी सेवान्डिटले बुधबार आफ्नो १३ औँ सन्तानलाई स्वागत गरे । यसअघिका १२ वटै सन्तान छोरा रहेकोमा अहिले छोरी जन्मिने आशामा उनीहरु थिए, तर सोँचेजस्तो भएन । १३ औँ सन्तान पनि पुलिंगै भइदियो ।

आखिर अमेरिकाजस्तो अत्याधुनिक चिकित्सा पद्धति भएको देशमा पनि किन यसरी लगातार बच्चा जन्माउनु आवश्यक थियो र ? के उनीहरुले गर्भको बच्चाको लैंगिक परीक्षण गराउन नसक्ने थिए र ? भन्ने प्रश्न उठ्छ । तर कुरो के रहेछ भने उनीहरुको परिवारको परम्परामा नै गर्भको बच्चाको लिंग परीक्षण गराउन बन्देज रहेछ । त्यसैले उनीहरुले गर्भको बच्चाको लिंग परीक्षण गराउन यो पाला पनि  पाएनन् र छोरीको आशामा लगालग छोरा जन्माइरहेका छन् ।

१३ भाई छोराका बाबु जेका अनुसार यो पाला श्रीमतीले छोरी जन्माउँछिन् भन्ने आशा उनलाई थियो । अामा क्याटेरीलाई आफुले १३ छोरा जन्माएकोमा कुनै अनौठो लागेको छैन । किनकी उनी पनि १३ सन्तान भएको परिवारकी १३ औँ छोरी हुन् । स्वान्डिट परिवारका १३ छोरामध्ये जेठा छोरा टेलको उमेर २२ वर्ष छ भने अहिले जन्मेका कान्छा भन्दा माथिल्लो छोरा जम्मा २१ महिनाका छन् ।

कान्छो छोराकेा नाम के राख्ने भनेर अहिले बच्चाका बाउआमा तथा दाजुहरु समेत घोत्लिरहेका छन् तर अझै नाम जुरिसकेको भने छैन ।
अब १४ औँ बच्चा पनि जन्माउने हो ? भन्ने प्रश्नमा जे भन्छन्, ‘हुँदै हुन्न भन्ने कुरा भन्नै सकिन्न ।’

जर्मन विङ्ग्सको विमान सहचालकले जानी जानी दुर्घटना गराएको खुलासा भएपछि वायुसेवा प्रदायक कम्पनिहरुले विमान चालक बस्ने ककपिटमा हरेक समय दुई जना बस्नै पर्ने नयाँ नियम बनाउने तयारी गरेका छन् ।

१५० जनाको ज्यान जाने गरी भएको एयर बस ए ३२० विमान दुर्घटना पछि नयाँ सुरक्षा नियमबारे छलफल सुरु भएको हो । जर्मनी र अन्य कैयौं देशका वायुसेवा प्रदायक कम्पनिहरुले नयाँ सुरक्षा नियमबारे बहस चलाएको बीबीसीले जनाएको छ ।

सहचालकले जानी जानी विमान ठोक्काए

फ्रन्सेली अधिकारीहरुका अनुसार जर्मन विङ्ग्स विमानका सहचालक एन्ड्रीयाज लुबिजले चालक बाहिर निस्किएको मौकामा भित्रबाट ढोका बन्द गरी विमानलाई एलप्स पहाडमा ठोक्काएका थिए । त्यतिबेला विमानमा पूरै सन्नाटा छाएको र चालक ककपिट भित्र पस्न निकै संघर्ष गरेको पाइएको अनुसन्धानकर्ताहरुले बताएका छन् । विमान जमिनमा ठोक्किनु अघि यात्रुहरुले चिच्याउँदै सहायता मागेका थिए ।

दुर्घटनास्थलमा फेला परेको फ्लाइट डाटा रेकर्डरको अनुसन्धानबाट यो तथ्य बाहिर आएको हो ।

जर्मनविङ्ग्सको यो दुःखद दुर्घटना एक प्रकारको नरसंहार र आतंकवादी गतिविधि जस्तो देखिएको अधिकारीहरुले बताएका छन् । तर, जर्मनीका ति सहचालकको घरमा पुगेर अनुसन्धान गर्दा विमान दुर्घटना गराउनुको कारण भने खुलेको छैन । सहचालक लुबिजको कुनै आतंकवादी समुहसँगको संलग्नता पनि पुष्टि हुन सकेको छैन ।

लुपथांसाका प्रमुख कार्यकारी कार्टसन सफरले सुरक्षा अवस्था जतिसुकै राम्रो भए पनि गलत नियत भएका चालकलाई भने रोक्न नसकिने प्रतिक्रिया दिएका छन् ।

– See more at: http://www.onlinekhabar.com/2015/03/258066/#sthash.KTRaxx0S.dpuf